2015-12-22

URTEARI AGUR ESATEKO ZENBAIT MODU


Usansoloko berbalagunak dituzue ezkerreko argazkian, martxa honetan ohitura bihurtuko duten txokoko askari-afarian. Gabon zaharra baino aste bi lehenago elkartu ziren eta 12 mahatsen ordez, 12 mokadu jan zituzten hauek, ardo apur batez lagunduta. Ba al dago mahai baten bueltan elkartzea baino ohitura euskaldunagorik?






Ostegun arratsaldeko azken taldekoak Basaurin antolatu genuen "Baskot gaua" festara animatu ziren. 12 kongito jan genituzten mahatsen ordez. Eskuz egindako kapela jantzi eta primeran pasatu zuten bertako berbalagun eta ikasleekin. Ez zuten kapela onenaren saria irabazi, baina irabazi izan balute bezala ospatu zuten.




Astelehen eguerdiko berbalagunek urte amaieraz gain, bazuten beste motibo ederra. Izan ere, Susanak eta Leticiak 2.hizkuntza eskakizuna gainditu zuten joan den astean. Fernandok jarritako kandelak izango ziren? Batek daki...
Dakigun gauza bakarra da erabiltzea dela euskara ikasteko eta batez ere barneratzeko modu bakarra.
Bejondeizuela guztioi!



ZORIONAK ETA URTE BERRI ON BERBALAGUN GUZTIOIN PARTEZ!

2015-12-15

BASKOT GAUA !!! Badator gure Gabonetako Jaia!!!



Ostiral honetan, abenduak 18,  Baskot Gaua ospatuko dugu, eta noski, gure buruak kapela zoragarriez atonduko ditugu horretarako. Oraingoan kapelak tuneatzeko gaia "ANIMALIAK" izango da; beraz, eragin buruari eta ea kapelarik orijinalena edota politena egiteko gai zareten!!

19.30ean elkartuko gara Urduña tabernan, kantu poteotxoa egiteko (euskaldunok kantatzea oso gustuko dugu eta). Poteoa Naia Lua teterian bukatuko dugu 21:00ak aldera, eta bertan askaritxo xumetxoaz gain, EZ3 taldearen kontzertua disfrutatzeko aukera izango dugu. Eta hori guzti hori gutxi balitz, karaokean aritzeko aukera ere izango dugu. Behin hau amaituta 00:00etan Urduña tabernan, abiapuntu izan dugun horretan, gure urte amaiera berezia ospatuko dugu.

Hau guztia galtzeko asmoa ez duzu izango, ezta? Animatu eta etorri gurekin! Ederto ibiliko gara eta!!!

2015-12-11

BERBALAGUNEN BE BAGARELAKO

Aurreko azaroaren 29an BASAURIN BE BAGARA eguna ospatu zen Basaurin, eta, noski, BERBALAGUNAK be bertan izan ginen, GEU BE BAGARELAKO!!!

Aurtengo kanpainako logoa oinarri hartuta, lotsak alde batera utzi eta geu be oholtza gainera igo ginen euskaren alde geuk ere zer edo zer egin nahi genuelako. Ederto pasa ere!!! Entsegu pare bat egin ostean, bertan aritu ginen, mozorroa jantzita, kopla politak kantatzen.

Hurrengo bideon ikus dezakezue egun horretako gure koplez gain, hainbat irudi.

2015-12-05

GALDAKAOKO II.MINTZODROMOA


Mintzodromoaren lehen edizioaren arrakasta ikusita, erraza izan zen bigarrena egiteko erabakia hartzea.

Aurten, Torrezabal Kultur Etxeko zinema aretoan egin dugu. Leku egokiagoa eta dotore-dotorea, gure parte hartzaileak bezalakoa.






Hori bai, hitz egiten hasi aurretik, txokolate beroa hartu genuen, kaletik ekarri zuten abenduko hotzari aurre egiteko. Zintzo-zintzo itxaron genuen txanda, edalontzia betetzeko. Uuuuum...ze ondo sartu zen, mahaiko pastekin batera






Mintzodromoan, egunerokoan bezala, euskara herritarrok elkarrekin komunikatzeko dugun altxorra da. Adina, sexua, jatorria...ez da inoiz muga izan behar, euskara denona baita.








Erabiltzea da orain arte bezain ondo gordetzeko sekretu bakarra. Euskararen nazioarteko egunean eta gainontzeko 364 egunetan ere bai.

2016ko abenduaren 3ko hitzordua jarrita dago.


2015-11-24

ABENDUAREN 3AN, GALDAKAOKO MINTZODROMOA

Agirre Lehendakariaren plazan egingo dugu, 10:00etatik 11:30era. Euria egiten badu, kultur etxean antolatuko dugu.

Aste osoa duzue izena emateko. Baldintza bakarra: euskaraz hitz egitea

2015-11-21

GALDAKAOKO AURKEZPEN JAIA


Lagun zaharrak, aurtengo "fitxajeak" eta euskaltegietako zenbait ikasle elkartu dira ohikoa dugun urteroko aurkezpen jaian.

 


Jaiari behar den moduan ekiteko, pintxo goxoak prestatu zizkiguten Topako sukaldariek. Edaririk ere ez zen, mokaduari laguntzeko eta eztarriak karaokerako prestatzeko. Nagusiek ez ezik umeek ere bapo askaldu zuten, bai jauna!








Azken aldian, moda-modan dagoen photocall bereziak ere zer esana eman zuen. Izan ere, bertaratutakoak taldeka jarri eta euskararen aldeko mezu bana idatzi behar izan zuten. Aurtengo leloari kasu eginda, dotore jarri ziren partaideak. Neska talde hau, bibote eta guzti! LOTSARIK GABE





Eta jaiari ginda jarri genion karaoke dibertigarri batekin. Hona hemen talde animatu bat bere irakaslearen gidaritzapean "Aitormena" kanta mitikoa abesten. Ze ondo moldatu ziren denak!  Datorren urteko hitzordua jarrita dago.




2015-11-06

ASTEBURU HONETAN, UMEENTZAKO ZINEMA GALDAKAON


MARKO MAKAKO ETA KARIBEKO PRIMATEAK




Eguna: azaroak 7 eta 8

Ordua: 17:00

Lekua: Torrezabal Kultur Etxea

Prezioa: 4€

2015-10-22

KREDITUA ANTZEZLANA SOZIAL ANTZOKIAN



Bihar, urriak 23,  "KREDITUA" antzezlana ikusi ahal izango dugu Basauriko Sozial Antzokian. Ordutegia ez da aitzakia izango antzezlan zoragarri hau ikusteko, goizez zein arratsaldez izango baitura saioak. Goizez 12:00etan (bertan ez da txarteldegia zabalik egongo; beraz sarrerak gure bitartez lortu beharko dituzue gaurko egunean zehar). Arratsaldekoa 20:30ean izango da.

Sinopsia:

Banku-sukurtsal bateko zuzendaria bazara, kontuz ibili! Orain arte gure mundu zibilizatu honetan, norbaitek dirua behar bazuen, bankura joan, kreditua eskatu eta gehienetan ematen zenion. Gaur egon, ordea, ez duzu fidatzerik. Beharbada, kreditua ukatzen badiezu, aurrean jarriko zaizkizu; kartak mahai gainean jarriko dizkizute, eta esango dizute ezen, dirurik ematen ez badiezu, inadr handiko neurriak hartuko dituztela. Gaur egun, dirua ematen ez baduzu, auskalo, mehatxua egiazkoa izan daiteke, eta zerbait egin eta bizitza hondamendira eramango dizute.


2015-10-14

"AMAMA" PELIKULA, TORREZABAL KULTUR ETXEAN



Urriaren 16an, 22:30ean

Urriaren 17an, 19:30 eta 22:30ean

Urriaren 18an, 19:30 eta 22:30ean

Urriaren 19an, 20:00etan



4 euro (3€ ikuslearen egunean)


Zuzendaria: Asier Altuna

Aktoreak: Iraia Elias, Kandido Uranga, Klara Badiola, Ander Lipus, Manu Uranga, Amparo Badiola eta Nagore Aranburu

2015-10-09

PILATES IKASTAROA


2015-2016 ikasturtean zehar PILATES IKASTAROA izango dugu estreineko aldiz. Pilatesa ezagutzen ez duzuen horientzat, jakin Pilates metodoa gorputza eta burua landu eta zaintzeko gimnasia, arnasketa eta erlajazioa elkartzen dituen metodoa dela.

Gurekin etorriz gero euskaraz berba egiteaz gain, gorputza eta burua sano sano izango dituzu irakaslearen agindu eta argibideak betez gero.

Ostiraletan elkartu gara, 17:30-18:30 bitartean, Pozokoetxeko Kultur Etxean. Eskola egutegia izango dugu eta Gabon eta Aste Santuan opor txikitxoak izango ditugu.

Ikastaroaren prezioa 30€koa da. Plazak mugatuak dira eta urriaren 30a arte egongo da zabalik izena emateko. 

Aukera paregabea! Ez utzi azken momenturako!!!

PUNTU BERBATALDEA





Basauriko jaiak gainean ditugu; baina hauekin bukatu bezain laster, PUNTU BERBATALDEA martxan jarriko da. Berbatalde ezberdina dugu hau, kafea-edo hartzeko elkartu beharrean puntu eta crochet-a egiteko elkartzen da.

Astero ordu batez elkartu ohi da, astelehenetan, arrastiko 18:00-19:00 bitartean, Pozokoetxeko Kultur Etxean. Eta ikasturtean zehar hainbat tapauki, txano... eta egin ohi dituzte.

Puntu edota crocheta egiten ikasi nahi baduzu, edota dagoeneko jakin eta lagunartean aritu nahi badazu, hauxe da zure tokia. Animatu eta etorri gugaz!

Eta noski, DEBALDE!!!!

2015-09-29

PAGASARRIN EDERTO IBILI GINEN



Pasa den larunbatean, Berbalagunok ikasturte honetako lehen mendi irteera egin genuen. Oraingoan herri ondoan geratzea erabaki eta Pagasarrira igotzea pentsatu genuen; eta halaxe egin !


Goizeko bederatzietan geratu ginen eta apurka-apurka bideari ekin genion. Eguraldia lagun izan genuen txango osoan eta uda luzearen ostean elkarri kontatzeko asko.

Talde polita elkartu ginen, bederatzi heldu, zazpi hilabeteko umetxoa eta txakurtxo bi. Eta giroa bikaina izan zen!
Hurrengo irteera urriaren 24an izango da, eta ziurrenik Karrantza aldera joango gara. Joan zuon agendatan eguna gordetzen!!!! 

Gora berbalagun mendizaleak!!!!

2015-09-21

BERBALAGUNAK PAGASARRIRA




Irailaren 26an larunbata, Berbalagunon ikasturte honetako lehen mendi irteera egingo dugu. Oraingoan herritik hurbil geratuko eta Pagasarrira joango gara.

Goizeko 09:00etan geratu gara Basauriko udaletxeko bus geltokian. Bertan Basozeilara igo eta mendi buelta hasiko dugu, Malmasin magaletik pasata eta Pagasarri gailurrera ailegatu arte.

Tontorrean argazki polita ziur atera! Eta galdutako indarrak errekuperatzeko hamaiketatxo gozoa egingo dugu aterpean eta noski solasaldi politak izan , elkarri udan egindako guztia kontatu ahal izateko.

Animatu eta etorri gurekin! Ederto ibiliko gara!

2015-06-13

BASAURIKO BERBALAGUNAK ZERB DASTAKETAN

Gaur ostiral berezia izan dugu Basaurin, Nerea Makazagak garagardoaren ekoizpen prozesuari buruzko hizketaldia eskaini digulako. Hitzaldia, berak eta beste hiru kidek osaturiko enpresak Euskal Herrian bertan ekoizten duen Zerb garagardo goxoaren dastaketarekin amaitu da. Bildu diren lagunek honako argazkia atera dute.


2015-06-11

USANSOLOKO BERBALAGUNEN IKASTURTEKO AZKEN HITZORDUA



Ikasturtea amaitu baino aste bi lehenago bukatu dute Usansoloko berbalagunek, baina behar den moduan, bai jauna.
Umore-Ona txokoan geratu ziren Usansoloko AEK-ko arratsaldeko ikasleekin, eta hor egon ziren kontu-kontari, mahaian zegoen guztia bukatu arte.

Baditugu "fitxaje" berriak datorren urterako!!!

2015-06-09

FAMILIAN EUSKARAZ JOLASEAN


Gaur egun Gurasolagun talderik izan ez arren, egitasmo hau zertan datzan erakusteko ekintza bat antolatu genuen atzo Galdakaon.
Familian euskaraz jolastu eta abesteko ariketa sorta ekarri zigun Urtxintxan lan egiten duen begirale batek .
Ordubete eta erdiz aritu ziren jo eta ke umeak eta gurasoak Begoñaren aginduetara.



Berbataldeetan parte hartzen duten guraso batzuk eta atzoko hitzorduaren berri izan zuten beste batzuk animatu ziren. Parkean zeuden familia bi ere gugana hurbildu eta informazio eskatu ziguten. Lehen urratsa emanda dago.Ea datorren urtean taldetxo bat sortzen dugun!

2015-05-19

ASTELEHENEKO BERBALAGUNAK OSTALARITZA-ESKOLAN


Asteleheneko 17:00etako taldeak bazkari dotorea antolatu zuen Galdakaoko ostalaritza-eskolan, ikasturteari amaiera ematen hasteko. Maika, taldeko kidea, ezin izan zenez joan, ekainaren 20ko azken festan plana errepikatu beharko!

2015-05-18

SUKALDARITZA AKASTAROA PRIMERAN!



Euskaldunak mahai baten bueltan zoriontsu bizi garela dio topikoak, eta arrazoirik ez zaiola falta onartu beharko dugu. Janari ona, edari gozoa eta ondo lagunduta, orduak beti labur. Horixe gertatu zitzaien ostiraleko sukaldaritza ikastaroan egon ziren berbalagunei. Andrea De Pedro sukaldariaren aginduetara egon zen kuadrila ederra, gerora afalduko zuten janaria nola prestatu behar zen ikasten.



Hiru motatako pasta zuten: ravioliak, espagetiak carbonara erara eta pestoa, ummmmmm! Arratsaldeko 18:30ean hasi eta 23:00ak arte ez zuten lehen mokadu ahoratu, pasta eskuz egin behar izan zuten eta. Zenbat denbora eman zuten ikusita, ez dut uste egunero egingo duten afaria izango denik, baina pazientzia eta maitasunez, edozein janarik dauka zapore goxoagoa. Eta horretan saiatu ziren gure sukaldari finak.

Postre goxo batek eman zion amaiera afariari. Baina bukatu aurretik, bertaratu ziren lagun guztiek zenbat ikasi zuten erakutsi zuten, izan ere, Andrearen galderei erantzun egokia eman behar izan zieten.
Emaitza: guztiok gaindituta!!!
Ikusiko al dugu berbalagunen bat datorren urteko "Master Cheff" saioan? Denborak esango digu

2015-05-12

ALBERTO MARTINEZ SUSTATXAREN MARGOLANAK IKUSGAI POZOKOETXE KULTUR ETXEAN


Galdakaoko berbalagun beteranoa den Alberto Martinez Sustatxa margolariak arte erakusketa interesgarria antolatu du Basauriko Pozokoetxe Kultur Etxean. Maiatzaren 18tik ekainaren 12ra izango duzue ikusgai.

Erakusketaren lehen egunean, hilak 18 (astelehena), jai txiki bat prestatu du 19:00etan, koadroen gaineko azalpenak bertatik bertara emateko asmoz.
Mokadutxoa eta ardorik ez dela faltako jakinarazi nahi dizue, izan ere, Basauri zein Galdakaoko berbalagunok gonbidatuta zaudete.


Anima zaitezte!






2015-05-11

Basauriko berbalagunen afaria


Maiatzaren 8an, Basauriko Azkena txokoan bildu ginen afaltzeko eta giro onean kantatu, dantzatu eta batez ere euskaraz lotsarik gabe jarduteko.


 











2015-04-27

GALDAKAOKO BERBALAGUNAK KURTZEGAIN MENDIAN




Goiz pasa polita egin dugu apirileko azken larunbat eguzkitsu honetan.
Galdakaoko lau berbataldetako zazpi lagun eta herriko beste sei euskaltzale animatu ziren Orozkoko Orortegi auzoan (eskumako argazkia) hasi zen ibilbide eder honetara.
Kotxeak baserrian utzi, botak jantzi eta gora abiatu ginen, eguraldia lagun.




Gailurreko paisaia ederraz gain, Gorbeialdeko zenbait altxor ikusi eta horien atzean dagoen historia ikasi genuen, mendian aditua den gida batek azalduta.
Kirikiñausi (Ezkerreko argazkia) barruan sartu ginen. Gaztainondoen adarrak astinduz, gaztainak errazago pilatzeko erabiltzen zituzten harrizko ontzi erraldoiak ziren. Irudikoa berria izan arren, urte asko dituzten horrelako hainbat daude inguruan.



"Tasio" pelikulan ezagunagoak egin ziren txondorrak ere ikusi genituen. Egur ikatza egiteko erabiltzen zituzten gure arbasoek, eta gaur egun balio handikoak dira. Txondor horietara botatzen zuten egurra pagoetatik hartzen zuten askotan. Adarrak modu berezian inausten zituzten (Pago motzak sortuz), horren altu ez hazteko. Modu horretan, lana errazago egiten zitzaien.




 Ordu biko ibilalditxoa egin eta gero, Kurtzegaineko zutarria genuen gure zain. Zazpi tona eta 5 metroko harritzar honen ondoan atera genuen eguneko azken argazkia. Atzean, Itxinaren edertasuna.
Aurrera begira, azken irteera honen moduko beste asko. Bejondeigula!

Eskerrik asko, Ainara Ibarra!!!