2015-01-30

OTSAILAREN 28AN, ZATOZ TXOOOOOTX EGITERA!


Prezioa: 50€ (bazkaria eta bidaia)
Izena emateko azken eguna: Otsailak 12
Nor joan daiteke: Euskaraz gozatu nahi duen edonor
Izena emateko: 638 405 801 zenbakira deitu edo zure herriko dinamizatzaileari esan



Sagardo garaia hasi da, eta Berbalagunok ez diogu urteroko zitari uko egingo. Otsailaren 28an, Astigarragako Bereziartua sagardotegian bazkalduko dugu. Bazkaldu, abestu, barre egin...

Autobusa Galdakaoko Udaletxe aurreko autobus geltokitik irtengo da 11:00etan eta Basauriko San Jose Ikastetxetik pasatuko da Basauriko jendea hartzeko. Garaiz heldu, gidariak ez dio inori itxarongo eta.

Tolosa izango da lehen geltokia. Bertan, pote batzuk hartuko ditugu, motorrak berotzen hasteko. Kantu zaharrak abesteko liburuxkak eramango ditugu, beraz, ongi etorriak izango dira musika tresnak.

14:00ak aldera, bazkaltzera joango gara Astigarragara.

Arratsaldean, Hernanin egingo dugu parranda 01:00a arte!


Anima zaitezte, ederto pasatuko dugu eta!