2017-02-28

BERBAINAUTERIAK



Urtero bezala, giro aparta izan genuen Basaurin antolatutako Inauteri Jaian! Euskaltzale talde polita elkartu ginen ondo pasatzeko gogoz.Bentako plazan hasi zen "zirko-ginkana" barregarria, eta parte hartu zuten 4 taldeek hainbat proba ezberdin gainditu behar izan zituzten; sokasaltoa, zaku-lasterketa, "aletadun" lokotxak...eta guzti hori umorez blai.
Tabernaz taberna ibili ginen Basauriko erdigunetik, eta probak kalean prestatu genituenez, aukera aproposa izan zen Berbalagun dinamika ezagutaraztera emateko, euskara ongi pasatuz praktikatzea posible dela berriro ere agerian utziz!
Jaiak harrera ona izan zuen, eta Berbalagun ezberdinek elkar ezagutzeko aukera izan zuten, baita euskaltegietako ikasleekin harremana izatekoa ere! Beste behin ere erakutsi dugu, Hego Uriben badagoela indarra euskararen alde lan egiteko, eta gainera lan hori umore eta festarekin uztartzeko gaitasuna! Eskerrik asko bertaratutako guztiei, festa hau, eta oro har, Berbalagun dinamika, zuek gabe ez baita ezer!! Animo eta segi dezagun lanean!! Praktikatu eta bizi!!

2017-02-20

INAUTERI JAIA

Aupa, euskaltzale! Urtero bezala, aurten ere inauteri jaia ospatuko dugu Basaurin, Berbalagunek, euskaltegietako ikasleek eta edozein euskaltzalek parte har dezan. Aurtengo gaia "zirkoa" izango da, Korrikaren abestiarekin lotura izateko.Beraz, anima zaitez, prestazazu mozorroa eta etorri gurekin arratsalde barregarria pasatzera!!
Hitzordua 20etan izango da Bentako plazan, eta handik tabernaz taberna joango gara ginkana moduko bat egiten: probak, jolasak...dena euskaraz eta umorez!! Bertan egongo gara zuen zain!!! Praktikatu eta bizi!!

2017-02-14

ARROPA BIRZIKLATZEKO TAILERRA



Hemen ditugu aurreko eguenean ospatutako Arropak Birziklatzeko tailerreko argazkiak! Oso arratsalde interesgarria izan zen, arropa zaharrekin poltsoak, makutoak, diruzorroak...egiten ikasi baikenuen!!
Gaur egungo gizarte kontsumistan arropa birziklatzea ezinbestekoa iruditzen zaigu, ingurumena errespetatu eta zaindu ahal izateko, eta ikastaroak horren kontzientzia indartzen lagundu zigun, eta bide batez, euskara praktikatzeko parada bikaina izan zuten Basauriko Berbalagunek!!
Eskerrik asko Truca Rec enpresari ,eta bereziki, Estitxu Carrascori, gauzatutako lan ederragatik, eta emandako argibide eta azalpen denengatik!! Eta ahaztu  gabe, Pozokoetxeko Kultur-etxeari ere eskerrak eman nahi dizkiogu, gurekin beti bezain adeitsu jokatzeagatik, eta aretoa uzteaz gain, erraztasun guztiak emateagatik!!
Praktikatu eta bizi!!

2017-02-06

ARROPA BIRZIKLATZEKO TAILERRA

Ostegun honetan, hilak 9, Pozokoetxeko kultur-etxean (Basaurin) arropa birziklatzeko tailerra egingo dugu.Bertan, etxean ditugun arropa zaharrekin zer egin ikasiko dugu: poltsoak, diruzorroak...
Eraman beharreko bakarra, eta nahi izanez gero, etxean dituzuen praka, alkandora...zaharrak dira, beraz, animatu eta gozatu!!! Horrelako tailerrak euskaraz egiteko aukera ez baita egunero suertatzen!!
Tailerra 17:30etatik 20:00etara izango da, eta Berbalagunez gain, beste edonor ere etor daiteke!! Praktikatu eta bizi